Kväänikansan päivää feirathiin eilen illala Omasvuonon kielisentterissä. Pohjaisruijalainen artisti Trine Strand piti musikkiesityksen “Mor Gustava”. Sananjohtaajan puhet markkeeras päivän. Paljon kiitoksii teile kaikile oikhein mukavasta illasta!
Mitä kväänin kieli merkittee sinule? Tässä oon “Kväänin kieliverkko” ja met neljä jokka työtelemmä tässä verkossa. Tääpänä 26.4. oon näjet Kväänin kielipäivä. Onnea päiväle! https://www.nrk.no/kvensk/onsker-a-oke-bruken-av-kvensk-pa-sosial-media-1.14996954
Met freistamma dokumenteerata ja antaat ulos kvääninkielisiä sanoja yhessä muitten kvääninkielisten kielikeskusten kaha. Tämä tabellisilmäys antaa tavallisimmat villieläväsanat kvääniksi. Tabellissa sanat Naavuonon, Omasvuonon ja Porsangin murtheilla. Kiitokset Björnar Seppolalle ja Svenne Mannelalle avusta Omasvuonon-aluheen sanojen kanssa.
Vuona 2019 kvääniorganisasjuunikarthaan tuli kolme uutta kielikeskusta. Kväänin kielisentterit Vesisaaressa, Porsangissa, Naavuonossa ja Omasvuonossa oon pykänheet yhteistyöverkon. Kielisentterit tekkee yhessä dialektikokkoamista ja kielimateriaalin ulosantamista. Naavuonon kielikeskus – Kvænangen språksenter Vesisaaren kväänin kielisentteri – Vadsø kvenske språksenter Porsangin Kväänin Kielisentteri – Porsanger kvenske språksenter Kaikki sentterit löyttyy facebookista! .
