Kvenaálbmot beaivi Ivgobađas
Kvenaálbmot beaivi ávvuduvvui Omasvuona giellaguovddažis ikte. Ártista Trine Strand ovdanbuvttii “Mor Gustava” čájalmasa. Sátnejođiheaddji Geir Varvik sárdnidii. Giitu go oassálasttidet!
Edit Båhl
Mearrasámi kultuvra ja duodji
Olmmáivákki duodjesearvi Gunn Isaksena bokte mutalii mearrasámi kultuvra ja duoji birra Davvikálohtaguovddážis. Sus ledje duojit mielde ja son maid vuvdii duodjegálvvuid.
Guohppármális ja gárppit
Árgabeaivebiepmus ávvudanbiebmun Sven Mannela ja Ann Kristin Hansen lágideigga guohppármális ja gárppatláibungurse Ivgobađas. Dat lea borramušárbevierru mii ráhkaduvvo Gáivuonas ja Omasvuonas. Borramuš lei álgoálggus árgabeaivebiebmu, dál lea guohppármalis maid ávvudanbiebmu. Dá lea filbma gursses.
Sámiálbmotbeaivi
Sámiálbmotbeaivvi ávvudeapmi Ivgobađas. Dat ledje čiežalogis geat háliidedje ávvudit sámiálbmotbeaivvi Davvikakálohtaguovddážis. Beaivvi sárdni lei Malene Stenrud Nilsena bokte. Anni M. Henriksen ovdanbuvttii davvi álbmogiid jáhku ja eallinvuogi birra. Omasvuona báhppa Svenn A. Nielsen ovdanbuvttii loahppasáni ja jođihii sámiálbmotlávlla.
Vuotta čuoldingurse
Giellaguovddáš lea álggahan čuoldingursse Davvikálohtaguovddážis Dat lea stuora beroštupmi gursii, ja dat lea čieža oasseváldit. Sii čuldet Ivgovuoddagiid.