OMASVUONO
Omasvuonon kielisentteri työtelee saamen, suomen ja kväänin kielten vahvistamiseksi Omasvuonon komuunissa. Lapset ja nuoret oon kielisentterin sihtiryhmässä. Met työtelemmä sen etheen ette lapset ja nuoret päästhään oppimhaan kielii ja saamhaan tiettoo Omasvuonon monikulttuurisesta historiasta. Meile oon kans tärkkee ette nuoret päästhään kasuttamhaan ommaa kieli- ja kulttuuri-identiteettii.
Omasvuonon kielisentteri oon ollu toiminnassa vuođesta 2010.
Klikkaa tapattumaa niin näjet lissää ja pääset mellata ittesi myötä.
Kväänikansan päivää feirathiin eilen illala Omasvuonon kielisentterissä. Pohjaisruijalainen artisti Trine Strand piti musikkiesityksen “Mor Gustava”.
Kväänin kielityötelijä
Kväänin ja suomen Kielityötelijä
Omasvuonon kuntastyyri valittee kielikeskuksen styyrin kolme representanttii. Kielisentterin styyrissä tullee olla representantit saamen oloista ja kväänin oloista. Kielikeskuksen styyrissä vuosina 2022-23 oon Hanne Braathen, Leif Bjørnar Seppola ja Karen Inger Maret Baal.
Kieltenopettajiitten regiuuninverkosto oon kaikile Pohjais-Tromssan saamen, suomen ja kväänin opettajiitten yhtheinen faakiverkosto. Omasvuonon kielisentteri oon verkoston sekretariaatti. Verkostossa oon pykätty joka vuosi yksi opettajiitten faakipäivä ja yksi kolmepäivän leirikoulu koululaisile.
Kväänin kieliverkko oon aivan uusi kieli- ja faakiverkko, ja tähän kuuluu Naavuonon kielikeskus, Porsangin Kväänin Kielisentteri ja Vesisaaren kväänin kielisentteri Omasvuonon kielisentterin lisäksi. Kielisentterit työtelhään yhđessä kväänin kielen dokumentaatiossa ja ulvosantamisessa.
Gáisin kielikeskus Tromssassa, Giellasiidan kielikeskus ja Omasvuonon kielisentteri oon pitkhään tehnheet yhtheistyötä saamen kielen yhtheistyöverkossa. Kielisentterit työtelhään yhđessä kurssiin ja aktiviteettiin pykkäämisessä ja markkinoinnissa.
